अर्घाखाँची । विश्वव्यापी रुपमा आक्रान्त पारिरहेको कोरोनाले अर्घाखाँची जिल्लालाई पनि व्यापक असर पारेको थियो।जसका कारण जिल्लाका सम्पूर्ण मठ मन्दिरहरु पनि बन्द रहे। जिल्लाकै धेरै भिडभाड हुने सुपा देउराली मन्दिर पनि पुर्णतः बन्द रहेकोमा आजदेखि स्वास्थ्यका मापदण्डको पालना गर्दै खुल्ला गर्ने निर्णय भएको हो।
मन्दिर परिसरका बासीन्दाहरुमा समेत कोरोना संक्रमण पुष्टि भएपछि बन्द गरीएको नेपालकै चर्चित धार्मिक स्थल सुपा देउरालीको मुल गेट आइतबार (आज) बाट भक्तजनहरुका लागि खुल्ला गरिएको छ ।
कोभिडको नयाँ भेरियन्ट ओमिक्रोनको संक्रमण बिस्तारै कम हुदै गएको कारण स्वास्थ्य मापदण्डको पुर्ण पालना गरी मठमन्दिर खोल्नको लागि सुचित गरीएको सहायक प्रमुख जिल्ला अधिकारी बिनोद खनालले जानकारी दिए ।
