बुटवल । रुपन्देहीकी एक किशोरीमाथि शौच गएका बेला बलत्कार भएको घटना बाहिरिएको छ ।
रुपन्देहीको ओमसतिया गाउँपालिकाकी १८ वर्षीया किशोरीलाई छिमेकी युवकले बलात्कार गरेको आरोपमा ती युवक पक्राउ परेका छन् । रुपन्देही प्रहरीका अनुसार आइतबार राति घर बाहिर शौच गएका बेला किशोरीलाई लतारेर छिमेकी युवकले बलात्कार गरेका थिए ।
बलात्कार अभियोगमा ओमसतीया गाउँपालिका–६ बस्ने २० वर्षीय ईन्सास अलीलाई प्रहरीले पक्राउ गरेको छ । इलाका प्रहरी कार्यालय धकधईबाट खटिएको प्रहरी टोलीले उनलाई सोमबार बिहान पक्राउ गरेको हो । घटना सम्बन्धमा थप अनुसन्धान भइरहेको रुपन्देही प्रहरी प्रवक्ता नवरत्न पौडेलले बताए ।
