काठमाडौं । बिहीबार बस्ने भनिएको प्रतिनिधि सभाको बैठक स्थगित गर्ने आग्रह गरेपछि प्रधानमन्त्री शेरबहादुर देववा प्रतिपक्षी दल नेकपा एमालेका सांसद्हरुसँग छलफलमा जुटेका छन्।
प्रधानमन्त्री देउवा निकट स्रोतका अनुसार बानेश्वरस्थित संसद् भवनमा अहिले प्रधानमन्त्री देउवा र नेकपा एमालेका ‘सीमित’ सांसदबीच छलफल चलिरहेको छ।
छलफलमा नेकपा एमालेका अध्यक्ष केपी शर्मा ओलीका विश्वासपात्र मानिएका प्रतिनिधि सभा सदस्य गोकुल बास्कोटा सहित सांसदहरु सहभागी छन्।
नेकपा माओवादी केन्द्र र नेकपा एकीकृत समाजवादीले अमेरिकी नियोग मिलेनियम च्यालेञ्ज कर्पोरेशन (एमसीसी)सँगको सम्झौता संसद्बाट पारित गराउन सहयोग गर्न नसकिने बताएपछि प्रधानमन्त्री देउवाले एमाले सांसद्सँग छलफल चलाएका हुन्।
प्रधानमन्त्री देउवाकै आग्रहमा बिहीबार बस्ने भनिएको प्रतिनिधि सभाको बैठक शुक्रबार दिउँसो १ बजे बस्ने गरी स्थगित गरिएको हो।
