अर्घाखाँची- नेपाली काँग्रेस पाणिनि-५ मैदानको आयोजनामा आज आलमनगर,सल्लेरीमा वृहत् पार्टी कार्यकर्ता भेला तथा अन्तरक्रिया कार्यक्रम सम्पन्न भएको छ ।
नेपाली काङ्ग्रेस,पाणिनी- ५, मैदानका सभापति गणेश घिमिरेको सभापतित्वमा सम्पन्न उक्त कार्यक्रममा आसन्न निर्वाचन एवं समसामयिक राजनैनिक घटनाक्रमहरुका बारेमा कार्यकर्ताहरुलाइ सुसूचित गराउदै आगामी रणनीतिका बारेमा समेत व्यापक छलफल भएको थियो। कार्यक्रममा नेपाली काङ्ग्रेस जिल्ला उपसभापति बाबुराम पौडेल, काङ्ग्रेस जिल्ला सचिव एवं पाणिनि गाउपालिकाका अध्यक्ष अच्युत गौतम, नेपाली काङ्ग्रेसका नेता यादव प्रसाद घिमिरे, ईन्द्रमणि पौडेल, काङ्ग्रेसकी नेतृ तथा पाणिनि गाउपालिकाकी उपाध्यक्ष लक्ष्मी गौतम लगायत काङ्ग्रेसका स्थानिय नेता कार्यकर्ताहरुको बाक्लो उपस्थिति रहेको थियो ।
