अर्घाखाँची- अर्घाखाँची जिल्लाको मालारानी गाउँपालिकामा अध्यापनरत एक शिक्षक जवरजस्ती करणीको आरोपमा पक्राउ परेका छन्। मा.वि. स्तरको विद्यालयमा अध्यापन गराउने शिक्षकले सोही विद्यालयमा अध्ययनरत १५ वर्षकी एक नाबालिकालाई जबरजस्ती करणी गरेको जाहेरीका आधारमा जिल्ला प्रहरी कार्यालय, अर्घाखाँचीले ती शिक्षकलाई पक्राउ गरेको हो।
शिक्षकलाई प्रहरीले नियन्त्रणमा लिई प्रारम्भिक अनुसन्धान पश्चात अर्घाखाँची जिल्ला अदालतमा पेश गरेको र अदालतबाट ६ दिन म्याद थप गरी अनुसन्धान भई रहेको जानकारी जिल्ला प्रहरी कार्यलय अर्घाखाँचीका सूचना अधिकारी, प्रहरी निरीक्षक गणेश खनालले गराएका छन् ।
