अर्घाखाँची । सन्धिखर्क नगरपालिकाका नगर प्रवक्ता तथा वडा नम्बर ३ का वडा अध्यक्ष लिलाराम गौतमद्वारा स्वर्गीय छोरा इन्जिनियर राजन गौतमको सम्झनामा जिल्लाको पाणिनि बहुमुखी क्याम्पसमा खेलकुद अक्षयकोष स्थापना तथा घोषणा गरेका छन ।
शुक्रबार क्याम्पसको सभाहलमा आयोजित कार्यक्रममा उनले क्याम्पस प्रमुख बुद्धिराम भुसाललाई दुई लाख एकाउन्न हजारको चेक हस्तान्तरण गरेका हुन ।
कार्यक्रममा मन्तव्य राख्दै गौतमले आफ्नो स्वगीय छोरा राजन गौतम सानै देखी पढ्नमा लगनशिल हुनुका साथै खेलकुदमा पनि उत्तिकै लगनशील भएको उल्लेख गर्दै आफुले यसरी छोराको सम्झनामा अक्षयकोष स्थापना गरेको भन्दै उनले यसअघि गौतम समाजको नामबाट आफ्नो वडामा पनि दुई लाखको अक्षयकोष स्थापना गरिसकेका थिए ।
आगामी दिनमा अन्य स्वास्थ तथा शिक्षाको क्षेत्रमा आफू निरन्तर लाग्ने प्रतिबद्धता समेत ब्यक्त गरेका छन ।
कार्यक्रम क्याम्पस प्रमुख बुद्धिराम भुसालको अध्यक्षता उपप्रध्यापक बिजय खत्रीको स्वागत तथा उपप्राध्यापक धर्मराज भुसालको संचालनमा सम्पन्न भएको थियो । 
