स्थानीय तह निर्वाचन लक्षित गरी नेकपा एमाले शिवराजले चुनावी प्रचारको आक्रामक थालनी गरेको छ । वडा तहहरुमा एमाले प्रतिको जनलहरले हौसिएको एमालेले आज शिवराज १ शिवपुरमा वडा कमिटीले आयोजना गरेको कार्यक्रममा पनि युवाहरुको एमाले प्रति आकर्षक देखिएको छ । विभिन्न पार्टी परित्याग गरी एमाले प्रवेश गर्नेलाई नेकपा एमालेका जिल्ला सचिव तथा लुम्बिनी प्रदेश सभा सदस्य अर्जुनकुमार केसी, मेयरका उमेदवार महादेव पोख्रेल, उपमेयरकी उमेदवार शिवकुमारी चौधरी, वडा अध्यक्षका उमेदवार खिमबिक्रम केसी लगायतले टिका लगाएर पार्टी प्रवेश गराएका थिए ।
कार्यक्रममा बोल्दै प्रमुख अतिथि केसीले गत निर्वाचनमा देशका जुन जुन स्थानमा एमालेले जितेको छ ति स्थानमा तुलनात्मक हिसावले राम्रा काम भएको जिकिर गर्दै सरकारी तथ्यांक हेर्दा पनि शिवराज नगरपालिका र वडाहरुमा एमाले बाट विजयी जनप्रतिनिधिले राम्रो काम गरेको बताए ।
त्यस्तै मेयरका उमेदवार महादेव पोख्रेलले नेकपा एमालेले यसपटक आफुलाई जनताको सेवा गर्न उमेदवार बनाएको पठाएको बताउदै जनताको माया र मतले विजयी भइ जनपक्षीय काम गर्ने प्रतिबद्धता ब्यक्त गर्नुभयो, त्यस्तै उपमेयरकी उमेदवार शिवकुमारी चौधरीले पहिलो कार्यकालमा जनताको मतले विजयी भइ जनताप्रति उत्तरदायी भएर सेवा गरेकाले यसपटक निर्वाचन जित्न कठिनाइ नहुने बताए ।
त्यस्तै एमालेको तर्फबाट शिवराज नगरपालिका १ नम्बर वडाका लागी वडा अध्यक्षका उमेदवार खिमविक्रम केसीले एक नम्बर वडा लाई सदा एक नम्बरनै बनाउने गरी काम गर्ने प्रतिबद्धता ब्यक्त गरे ।
नेकपा एमाले शिवराज १ नम्बर वडा कमिटीका अध्यक्ष ढुण्डीराज अधिकारीको अध्यक्षता, नेकपा एमाले जिल्ला सचिब तथा लुम्बिनी प्रदेश सभ सदस्य अर्जुनकुमार केसीको प्रमुख आतिथ्यता र वडा सचीव केसर थापाको सन्चालनमा सम्पन्न भएको थियो । 
