टेकराज भुसाल । भूमिकास्थान नगरपालिका वार्ड नम्बर १ ढाकावाङ्गमा अवस्थित विश्व माध्यमिक विद्यालय व्यवस्थापन समितिको अध्यक्षमा भाेजराज खनाल सर्वसम्मत चयन हुनुभएको छ।
विद्यालय व्यवस्थापन समितिको आइतबार सम्पन्न बैठकले भूमिकास्थान नगरपालिका वार्ड नम्बर १ का पुर्व वडाध्यक्ष समेत रहेका खनाललाई सर्वसम्मतिले अध्यक्षमा चयन गरेको हो।
जस अनुसार समितिको सदस्यहरुमा क्रमश: विष्णुप्रसाद खनाल, लक्ष्मी खनाल, रमा खनाल, अमृता भुसाल (चुदाली) र गुरुदेव खनाल रहनु भएकाे छ। विद्यालय रहेको क्षेत्रको वडाध्यक्ष वा सदस्य विद्यालय व्यबस्थापन समितीमा रहने प्रावधान अनुरुप भुमिकास्थान १ का वडाध्यक्ष गाेपाल प्रसाद खनाल, पदेन सदस्य तथा शिक्षक प्रतिनिधिमा रुद्रमणि खनाल र सदस्य सचिवमा प्राचार्य गाेपाल प्रसाद आचार्य रहनु भएको छ ।
यसैविच नवनिर्वाचित अध्यक्ष भाेजराज खनालले विद्यार्थी, शिक्षक र अभिभावक विचको त्रिकोणात्मक सम्वन्धलाई सुमधुर र सुदृढ बनाउदै विश्व माध्यमिक विद्यालयलाई नमूना र उत्कृष्ट शैक्षिक संस्थाको रूपमा स्थापित गर्न क्रियाशील रहने बताउनुभएको छ।
