अर्घाखाँची ।
बाघमारा सामुदायिक क्लब सन्धिखर्क नगरपालिका वार्ड न.७ को आयोजनामा प्रथम बाघमारा कप” वडास्तरीय खुल्ला भलिबल प्रतियोगिताको आयोजना गरिएको छ।
खाचीकोट सुपादेउराली बाघमारा,यस क्षेत्रका ज्ञान,कला, सस्कृति,पर्यटन र स्वास्थ्यका लागि खेलकुद अभियान” भन्ने मूल नाराका साथ उक्त खेलकुद कार्यक्रमको आयोजना गर्न लागिएको आयोजकले जनाएको छ। खेलमा भाग लिन इच्छुक समुहलाई यहि असौज ७ गतेसम्मको समय दिइएको छ भने उक्त खेलकुद प्रतियोगिता यहि असौज ७ गतेदेखि ९ गतेसम्म सन्धिखर्क वार्ड न.७ को बाघमारा खेलमैदानमा हुने जानकारी क्लबका अध्यक्ष विवश थापाले दिएका छन् ।
उक्त खेलकुद प्रतियोगितामा आवश्यक पुरस्कार एवं व्यबस्थापनका लागि विभिन्न व्यक्ति तथा संघ सस्थाहरुले सहयोग गर्ने प्रतिवद्दता जनाएको आयोजक तथा क्लबका अध्यक्ष विवश थापाले जानकारी गराएका छन् भने उक्त खेलकुद कार्यक्रमको मिडिया पार्टनरका रुपमा लुम्बिनी आवाज डटकम रहेको छ।
