आचारसंहिता विपरीत बाड्न लागिएको पाइप बरामद , एमालेले बाड्न लागेको स्थानीयको भनाइ

सन्धिखर्क ।  अर्घाखाचीमा मतदातालाई प्रभावित पार्ने उद्देश्यले बाड्न थालिएको पाँच रोल पाइप बरामद भएको छ।

छत्रदेव गाउँपालिका-६, ठूलापोखरामा मतदातालाई बाड्न लागिएको पाइप प्रहरीले बरामद गरेको हो।

पाइप बाड्न लागेको थाहा पाएपछि प्रहरी त्यसतर्फ गएको थियो। प्रहरी गएपछि मानिसहरू भागेका थिए।

बरामद गरिएको पाइप मुख्य निर्वाचन अधिकृतको कार्यालयमा राखिएको प्रमुख जिल्ला अधिकारी शशीधर घिमिरेले बताए।

एमाले कार्यकर्ताले मतदातालाई पाइप बाड्न लागेको स्थानीयको भनाइ छ।