विवश थापा
अर्घाखाँची।
अर्घाखाँची जिल्लामा रहेको प्रसिद्ध सुपा देउरालीमा होलिको अबसरमा मन्दिरमा चढाईने जिन्सी सामान गरगहना नापतौल गर्ने उपकरणको उद्घाटन गरिएको छ।
प्रमुख जिल्ला अधिकारीको प्रमुख आतिथ्यमा भव्य समारोहका बीच उक्त उपकरणको उदघाटन गरिएको हो। कार्यक्रममा विशिष्ट अतिथिका रुपमा सन्धिखर्क नगरपालिकाका उपमेयर लगायत जनप्रतिनिधि स्थानीय सरोकार हरुको उपस्थिति रहेको थियो। कार्यक्रमको अध्यक्षता मन्दिर ब्यबस्थापन समितिका अध्यक्षले गरेका थिए। त्यसैगरी कार्यक्रममा प्रमुख जिल्ला अधिकारीले सुपादेउराली मन्दिरलाई ब्यबस्थापन गर्न आफू सक्रिय भयर लाग्ने बताएका थिए। यहाँ भयका कमि कमजोरीलाई सुधार गर्न आफुले सधै सकारात्मक मार्गदर्शन गर्ने समेत बताएका थिए।यो मन्दिर अर्घाखाँची जिल्लाकै अमुल्य सम्पत्ति भएकोले यस मन्दिरलाई अझ ब्यबस्थापन गर्ने सन्दर्भमा आफुसमेत लाग्ने बताए।
यसैक्रममा स्थानीय शिक्षक टुल्क थापाले पनि आफ्नो मन्तव्य राख्नु भएको थियो। सबै कमि कमजोरीलाई सुधार गर्दै अगाडि बढेको र सबैबाट रचनात्मक सहयोगको अपेक्षा गरेको पनि उल्लेख गरे। कार्यक्रमको संचालन हरि खनालले गरेका थिए।
