सन्धिखर्क । मुक्तिनाथ विकास बैंक, सन्धिखर्क शाखाले सशस्त्र प्रहरी बल नेपाल, ३६ नं गुल्म, अर्घाखाँचीलाई विपद उद्दार सामग्री सहयोग स्वरुप प्रदान गरेको छ।
यहि श्रावण ५ गते शुक्रबारकादिन उक्त प्रहरी कार्यालयमा एक कार्यक्रम गर्दै एसेन्डर, पुलि, काराबिनर, डिसेण्डर, हार्नेस र डाइनिया सिलिङ्ग जस्ता सामग्री हस्तान्तरण गरिएको छ। यस जील्लामा हुने विपदका घटनामा सशस्त्र प्रहरिको उद्दार कार्यमा साझेदारी गर्न यस विकास बैंकको सामाजिक उत्तरदायित्व कार्यक्रम अन्तर्गत उक्त सामग्री हस्तान्तरण गरेको हो।
गुल्मपति संगम श्रेष्ठले उक्त सामग्रीहरुले यस जिल्लामा हुने विपदका बखत मानविय एवम् अन्य क्षेति हुनबाट शसस्त्र प्रहरिले उद्दार कार्य गर्दा उल्लेख्य टेवा पुग्ने जनाए। साथै श्रेष्ठले यस्तै सामग्री उपलब्ध भएमा विपद उद्दारका कार्य थप प्रभावकारि र सहज हुने समेत बताए।
कार्यक्रममा बोल्दै मुक्तिनाथ विकास बैंक, सन्धिखर्कका निमित्त शाखा प्रमुख अर्जुन खनालले सहयोग गर्न पाउँदा खुसी प्रकट गर्दै आगामी दिनमा पनि यस विकास बैंकले अन्य सामाजिक कल्याणका कार्यमा सहयोग गर्ने र सहभागिता जनाउने बताएका छन्।
खनालले मुक्तिनाथ विकास बैंकले आफ्नो व्यवसाय बाहेक पनि अन्य सामाजिक क्रियाकलापमा बैंक र कर्मचारी नियमित संलग्न रहेको बताए। नेपालकै शिर्ष स्थानमा रहेको अग्रणि विकास बैंकको रुपमा परिचित मुक्तिनाथ विकास बैंकले, सन्धिखर्कमा विगत दुई वर्षदेखी वित्तीय सेवा प्रदान गर्दै आएको छ।
