श्री खजहना आधारभूत विद्यालय सिद्धार्थनगर नगरपालिका,रुपन्देहीमा अध्ययनरत सम्पूर्ण विद्यार्थीहरुको लागि मच्छरदानी ( झुल) बितरण गरिएको छ ।
जयसवाल युवा कमिटी , रुपन्देहीले विद्यालयमा अध्ययनरत १४५ जना विद्यार्थीको लागि झुल बितरण गरेको हो । सामाजिक कार्यमा क्रियाशिल हुदै आएको यस समितिले यस अघि वृदाआश्रममा भोजन गराउने , विद्यालयमा अध्ययनरत छात्रा छात्रहरुको लागि स्विटर बितरण लगायतका काम गर्दै आएको कमिटिका अध्यक्ष शिवम जयसवालले बताउनु भयो ।
विद्यालयकका प्रधानाध्यापक सुरेन्द्र प्रसाद मिश्रका अनुसार विद्यालयमा अध्ययन गर्न आउने विद्यार्थीको पारिवारिक आर्थिक अवस्था त्यती राम्रो नभएकोले बेला बेलामा यस्तै सामाजिक कार्यमा क्रियाशिल संस्थाहरु मार्फत कापी, ड्रेस बितरण लगायतको काम बिद्यालयले गर्दै आएको छ ।
कार्यक्रम सुमित जयसवाल, सन्नी जयसवाल राहुल जयसवाल ,मनिसा जयसवाल त्यस्तै जयसवाल महिला सेवा समिति अध्यक्ष पुनम जयसवाल जयसवाल सेवा समितिका महासचिव अर्जुन जयसवाल र सचिव अशोक जयसवालको उपस्थितीमा सम्पन्न भएको विद्यालयका शिक्षक सुभाषमणी त्रिपाठीले जानकारी दिनु भयो ।
वर्षाको समयमा लामखुट्टेको टोकाइ बाट सर्ने विभिन्न रोगहरुवाट साना बालबालिकाहरु बच्न सकुन भन्ने उदेश्यले झुल बितरण गरिएको आयोजकले जानकारी दिएकोछ ।
