सागर महत
अर्घाखाँची । नेपाली कांग्रेस लुम्बिनी प्रदेशका सभापति अमरसिंह पुनले प्रदेश सरकारलाई बलियो बनाउनको लागि सोही बमोजिमको केन्द्रले अधिकार दिएमा मात्र काम गर्न सहज हुने बताउनुभएको छ । प्रेस युनियन अर्घाखाँची शाखाले सन्धिखर्कमा आयोजना गरेको पत्रकार सम्मेलनमा उहाँले यस्तो बताउनु भएको हो ।
सभापति पुनले नक्कली सुन काण्ड, ललिता निवास प्रकरण, नक्कली शरणार्थी जस्ता विषयमा अनुसन्धानमा कसैलाई काखा र कसैलाई पाखा गर्न नमिल्ने बताउनुभयो । उहाँले कांग्रेसको संगठन सुधारको लागि लुम्बिनी प्रदेशका १२ वटै जिल्लामा ग्राउण्ड लेबलसम्म पार्टीको परिचालन संयन्त्रलाई प्रभावकारी बनाउने अभियान पनि सुरु गरिएको बताउनु भयो ।
उहाँले कांग्रेसको संगठन वडा तहसम्म मजबुद बनाएर लैजाने रणनिति पनि रहेको जानकारी दिनुभयो । कार्यक्रम प्रेस युनियनका जिल्ला अध्यक्ष लक्ष्मण घिमिरेको अध्यक्षता ,उपाध्यक्ष सरिता भुसालको स्वागत मन्तव्य ,सचिव विष्णु खनालको संचालनमा सम्पन्न भएको हो ।
कार्यक्रम नेपाली कांग्रेसका लुम्बिनी प्रदेश सहमहामन्त्री विष्णु खनाल (मुस्कान),कोषाध्यक्ष प्रकाश राना,जिल्ला पाटी सभापति केशव श्रेष्ठ लगायतको सहभागिता रहेको थियो ।
