लक्ष्मण घिमिरे
अर्घाखाँची । नेपाली कांग्रेस अर्घाखाँचीले यही २६ र २७ गते प्रशिक्षण सहितको कार्यक्रम गर्दैछ । आफ्ना नेता, कार्यकर्तामा उर्जा प्रवाह गर्न प्रशिक्षण कार्यक्रमको आयोजना गरिएको हो ।
जिल्ला कार्यसमिति प्रशिक्षण विभागको आयोजनामा हुन लागेको कार्यक्रममा जिल्ला कार्यसमिति, क्षेत्रिय कार्यसमिति, पालिका कार्यसमिति, वडा सभापती, भातृ तथा सुभेच्छुक संस्थाका प्रमुख, निर्वाचित जनप्रतिनिधी, उम्मेद्वारका आकांक्षी, महाधिवेशन प्रतिनिधी लगायतलाई प्रशिक्षणमा सहभागी गराईने प्रशिक्षण विभाग प्रमुख तथा उपसभापती बिष्णु भुसालले जानकारी दिए ।
प्रशिक्षणका लागी कांग्रेस सहमहामन्त्री बद्री पाण्डे, देवराज चालिसे लगायतका नेता जिल्लामा आउँदै छन् । यस्तै नेतृ पुष्पा भुसाल, रेवती प्रसाद भुसाल, लुम्बिनी प्रदेश सभापती अमर सिंह पुन लगायतका नेताहरुले पनि प्रशिक्षण दिनेछन् ।
कार्यक्रममा जिल्ला तथा प्रदेश स्तरिय नेताहरुले पनि प्रशिक्षणात्मक मन्तव्य दिने तयारी गरिएको जिल्ला सचिव कृष्ण खनालले जानकारी दिए ।
